5 ноябрьдә Киекле авылы китапханәсендә өлкән сыйныф укучылары өчен мастер-класс үткәрелде.

Китапханәнең кунагы - Киекле авылы мәдәният йорты хезмәткәре Салахова Айгөл Галимжан кызы житәкчелегендә кызлар театраль күренешләр уздыру өчен кәгазьдән бармакларга кидереп уйнатыла торган курчаклар ясадылар.

Эш барышында укучылар кечкенәдән яратылып укылган “Йомры икмәк”, “Кәжә белән сарык”, “Өч дуңгыз баласы” әкиятләрен искә төшерделәр, үзләренең яратып укый торган әсәрләре турында сөйләделәр.
Китапханәдә мастер-класс белән шөгыльләнү - укучыларның көзге каникулларын файдалы эш белән баетты һәм яхшы кәеф бүләк итте.