“Тормышыбыз өлгесе сез өлкәннәр!” 4 октябрь көнне Кизләү авыл китапханәсе клуб хезмәткәрләре белән берлектә “Тормышыбыз өлгесе сез өлкәннәр!” дип аталган бәйрәм концерты уздырды. Китапханә оештырган китап күргәзмәсе чарага килүчеләрне бик кызыксындырды. Өлкәннәребез өчен чәй табыны әзерләнде, аның барышында кунаклар бер- берсе белән аралашып яшь чакларны искә төшерделәр.
"Минем туган ягым - бүгенгесе, үткәне, киләчәге" 27 сентябрь көнне Кизләү авылы китапханәсендә “Минем туган ягым - бүгенгесе, үткәне, киләчәге” дигән туган якны өйрәнү викторинасы узды. Чара барышында катнашучылар туган авыллары турында видеоролик карадылар, Татарстан Республикасы һәм Норлат районы, Кизләү авылы тарихы белән таныштылар, соңыннан викторина сорауларына җавап бирделәр. Чара укучыларның туган якны өйрәнү өлкәсендә белемнәрен тикшерү, туган якка кызыксынуны үстерү, Ватанга патриотик хис тәрбияләү максатыннан үткәрелде.
“Гасырлардан килгән мирас” 6 сентябрь көнне Кизләү авыл китапханәсендә Милли мәдәниятләр һәм гореф-гадәтләр елы уңаеннан “Гасырлардан килгән мирас” дип аталган күргәзмә оештырылды. Бу күргәзмәдә Татарстан халыкларының гореф-гадәтләре, традицион һөнәрләре, фольклоры һәм халык бәйрәмнәре турында китаплар белән танышырга була.
«Буяуларга ярдәмгә ашыгабыз» 13 сентябрь көнне Кизләү авыл китапханәсендә «Буяуларга ярдәмгә ашыгабыз» диеп аталган рәсем конкурсы узды. Чарада балалар катнашты. Балалар бик теләп үзләренең яраткан әкият геройларын, ошаган әкиятләренең сюжетларын ясадылар. Катнашучыларга татлы бүләкләр тапшырылды.
“Дустыңны китапханәгә алып кил” 4 август көнне Кизләү авылы китапханәсе “Дустыңны китапханәгә алып кил” диеп аталган акция үткәрде. Акциядә катнашу өчен үзләре белән китапханәгә туганнарын, дусларын, танышларын, күршеләрен алып килергә кирәк иде, алар да китапханә укучылары булачак. “Китап, җәй, дуслык, кешеләргә кирәк булган һәрнәрсә” шигаре астында китапханәгә чакыру листовкалары таратылды. Авылдашлар "Дуслык турында мәкаль сөйлә" викторинасында катнаша алды.
