Курманаевская с/б

1 июнь-Бөтендөнья балаларны яклау көне уңаеннан  Кизләү авыл китапханәсендә китап укучылары белән “Бөрдәмлектә көч”- дигән уенлы бәйге уздырылды.  Укучылар барлык бирелгән сорауларга да дөрес җавап бирделәр, бердәмлек һәм татулык төшенчәсен үзләре ясаган рәсем аша сүрәтләп бирделәр. Җиңү яулаган  җитез комондага бүләкләр өләштек. Китаханәче аларны яңа кайткан китаплар белән таныштырды.

25 апрель көнне халкыбызның сөекле шагыйре Габдулла Тукайның тууына 135 ел тулу уңаеннан Кизләү авылы китапханәсендә “Без Тукай оныклары “-исемле әдәби кичә уздырдык.Укучылар Г.Тукайның шигырьләрен сөйләделәр, “Бала белән күбәләк”,“Су анасы”, “Шүрәле” әкиятләрен рольләргә  бүлеп уйнап күрсәттеләр. Бөек шагыйребез Габдулла Тукайның иҗатына карата оештырылган әдәби  кичә күңелле узды.

8 май көнне китапханәче укучылар һәм мәдәният хезмәткәрләре белән берлектә Кизләү авылында яшәүче тыл һәм хезмәт ветераннарының өйләренә барып, аларны Бөек Җиңү көне белән котладык.  Кизләү авылының “Огородная” һәм “Тимуровская” урамнарында тыл һәм хезмәт ветераннарына  ачык һавада бәйрәм концерты оештырдык.  Бөек Җиңү өчен башларын салган ветераннарыбызны, бер минут тынлык белән искә алдык. Урамда җыелган халыкны, ветераннарны бәйрәм белән котлап, алар хөрмәтенә  “Син кайтмадың”, “Йөрәк сере”- дип аталган моңлы җырларны башкардым. Укучылар ветераннарыбыз хөрмәтенә , дәһшәтле сугыш темасына карата шигырьләр сөйләделәр. Урамда уздырылган Җиңү  тантанасы ветераннарыбыз күңелендә моңсу хатирәләрне яңартты, алар, яшь буыннар кайгы хәсрәт күрмәсеннәр сугышлар беркайчан да булмасын  иде дип тынычлык теләп догалар укыдылар һәм соңыннан безгә  рәхмәтләрен җиткерделәр.

15 апрель көнне Кизләү авылы китапханәсендә  күренекле галим Ризаэтдин Фәхреддин китабыннан”Ислам дине- вә ана теле” дигән темага файдалы киңәшләр сәгате уздырылды. Китапханәгә килүче авылдашларыбызга Р.Фәхреддиннең “Туган телебезне саклау” турында язылган мәкаләләрен укыдым “Асар”,” Мәгъшүр адәмнәр” исемле китаплары белән аларны, якыннан таныштырдым.