8 июльдә Россиядә Гаилә, мәхәббәт һәм тугрылык көне билгеләп үтелә.

Шул уңайдан Киекле авылы китапханәсе «Мәхәббәт һәм тугрылык үрнәге» акциясен уздырды. Киекле авылының матур гаиләләренә бәйрәмнең барлыкка килү тарихын бәян иткән буклетлар һәм бәйрәмнең символы булып торган ромашка букетлары таратылды. Фотоларда акциядә катнашкан Хаметшиннар, Исламовлар, Даутовлар, Мугайнетдиновлар, Сафиннар һәм Вафиннарның тату гаиләре урнаштырылды.

Бу бәйрәмне уздырып гаиләбезгә мәхәббәт һәм тугрылык, гаилә әгъзаларына карата игътибарлы һәм игътирамлы мөнәсәбәт тәрбиялибез.  Гаилә кешедә көч тудыра, мәхәббәт бер-берең белән бәйли, ә тугрылык тирә-юньдәгеләргә ышанычны ныгыта.